اپنی زندگی کو انجیل کے مطابق گزاریں۔پاپائے اعظم لیو چہاردہم

مورخہ 27فروری 2026کوویٹیکن میں رومن کیوریہ اور کارڈینلز کے ساتھ منعقدہ لینٹ ریٹریٹ کا اختتام کرتے ہوئے پوپ لیو چہاردہم نے مومنین کو دعوت دی کہ وہ اپنی زندگی کو انجیل کے مطابق گزاریں۔ویٹیکن میں ایک ہفتے تک جاری رہنے والی ریٹریٹ کے اختتام پر پوپ لیو چہاردہم نے شکرگزاری اور روحانیت پر مبنی خیالات کا اظہار کیا اور انہوں نے ان دنوں کو”گہرا روحانی تجربہ“قرار دیا، جس نے رومن کیوریہ کو لینٹ کے سفر میں ساتھ رکھا۔ 
 پوپ لیو نے مقدس برنارڈ کے الفاظ دوہرائے:
”تم نے کیا کیا؟ خدا تم پر رحم کرے۔“
انہوں نے عبادت گاہ (چیپل) کی طرف بھی اشارہ کیا اور 8 مئی کو یاد کیا، جب وہ اور اْن کے ساتھی کارڈینلز وہاں پاک ماس کی ادائیگی کے لیے جمع ہوئے تھے۔ اُن کے اْوپر مقدس پولوس کے فلپیوں کے نام خط کی یہ آیت درج ہے:”میرے لیے جینا مسیح ہے اور مرنا نفع۔“
انہوں نے کہا،اسی پس منظر اور رفاقت کے جذبے میں ہم سب اکٹھے ہو کر خدمت کرتے ہیں، اگرچہ اکثر الگ الگ کام کرتے ہیں۔اُن کے مطابق دْعا میں اکٹھا ہونا ہماری زندگی کا نہایت اہم لمحہ ہے، جو ذاتی زندگی اور کلیسیا دونوں کے لیے اہم سوالات پر غور کرنے کا موقع فراہم کرتا ہے۔
اس ریٹریٹ کے دوران بشپ وارڈن کی جانب سے پیش کیے گئے موضوعات میں پوپ لیو نے کلیسیا کے عالمِ دین مقدس جان ہنری نیومین کا  خصوصاً اُن کی نظم The Dream of Gerontius کا ذکر بھی کیا۔ پوپ لیو کے مطابق اس تصنیف میں نیومین موت اور عدالت کوایک ہندسے کے طور پر پیش کرتے ہیں، جس کے ذریعے انسان خدا کے حضور اپنے خوف اور نالائقی کا سامنا کرتا ہے۔
مقدس پولوس رسول کے خط فلپیوں کے نام کا دوبارہ حوالہ دیتے ہوئے پوپ  لیونے اْن الفاظ کو پڑھا، جن میں وہ مسیح کے پاس جانے کی خواہش اور دوسروں کے ایمان کی ترقی اور خوشی کے لیے زندہ رہنے کی ذمہ داری کے درمیان کشمکش کا ذکر کرتے ہیں۔
پوپ لیو نے خاص طور پر اس نصیحت کو نمایاں کیا:
”صرف اسی طرح زندگی گزارو جو مسیح کی خوشخبری کے لائق ہو۔“
انہوں نے کہا کہ اُن دنوں کی دْعا اور غور و فکر کے اختتام پریہی وہ دعوت ہے جو خود کلامِ خدا ہم سب کو دیتا ہے۔
آخر میں پوپ لیو چہاردہم نے تمام شرکاء کی جانب سے بشپ وارڈن کا شکریہ ادا کیا اور کہا کہ اُن کی تعلیمات، حکمت اور گواہی نیز سینٹ برنارڈ کی خانقاہی زندگی کی مثال، فضل اور برکت کا مستقل ذریعہ ہیں۔انہوں نے عبادتی تقریبات کے دفتر اور کوائر کا بھی شکریہ ادا کیا۔