پازی کی مقدسہ مریم مگدلینی

 آپ 1566 میں فلورنس کے مقام اٹلی میں ایک معزز گھرانے میں پیدا ہوئیں۔ بپتسمہ کے وقت آپ کو کیتھرین کا نام دیا گیا۔ شروع ہی سے آپ دْعا، ریاضت اور غریبوں کی مدد میں خاصی دلچسپی رکھتی تھی۔ آپ کو مذہبی تعلیم پڑھانے کا بے حد شوق تھا۔ نیک سیرت ہونے کی وجہ سے ہر ایک کو بھاتی تھی۔ 10 برس کی عمر میں جب آپ نے پہلی پاک شراکت لی تو اْسی وقت آپ نے وعدہ کیا کہ آپ اپنے خدا کے لیے پاک دامنی کی زندگی بسر کریں گی۔ 14 برس کی عمر میں جب آپ ایک کانوینٹ سکول میں بھیجی گئی تو آپ کی ریاضتی زندگی کو دیکھ کر دیگر سسٹرز کہا کرتی تھی کہ آپ ایک روز ضرور بڑی مقدسہ بنیں گی۔ 1582 میں آپ نے ایک کار ملائٹ کانوینٹ میں خاص طور پر اس لیے شمولیت اختیار کی کیونکہ یہاں اس بات کی اجازت تھی کہ آپ ہر روز پاک شرکت لے سکتی تھیں۔
1583 میں آپ نے جماعت میں مریم مگدلینی کا نام اختیار کیا۔آپ 29 مئی 1584 میں شدید بیمار پڑ گئیں اور یوں لگا کہ اب صحت یاب نہیں ہوں گی۔ اْس دن سے جب آپ کو مذہبی جماعت کا لباس ملا اور اپنی وفات کے دن تک آپ پر
 اکثر وجد کی کیفیت طاری ہوتی جاتی تھی۔ عرصہ پانچ سال تک آپ شدید شیطانی آزمائشوں کا سامنا کرتی رہی۔تاہم آپ مضبوط ایمان کے ساتھ اْن کا مقابلہ بھی کرتی رہیں۔ اس دوران آپ کو جماعت نے بھاری ذمہ داریاں سونپ دی۔ خدا کی طرف سے آپ کو یہ قدرت حاصل تھی کہ آپ دوسروں کے دل کے حالات اور ذہنی خیالات معلوم کر سکتی تھیں۔ آپ کو معجزات کی قوت بھی عطا کی گئی۔اپنی زندگی کے آخری تین سال بیماری کی حالت میں آپ نے ناقابل بیاں اذیت اور دْکھ اْٹھائے۔ تاہم آپ ہمیشہ ثابت قدم رہیں اور 41 برس میں فوت ہوئی تو اْس وقت معجزات رونما ہوئے۔ اپ کا جسد خاکی ابھی بھی موجود ہے۔آپ کی عید 25مئی کو منائی جاتی ہے۔