سینٹ پال پیرش کے علاقے سینٹ جان میری ویانی چرچ میں پاک ظروف کی برکت

 سینٹ پال پیرش کے علاقے سینٹ جان میری ویانی چرچ میں پاک ظروف کی برکت کیلئے خصوصی عبادت کا انعقاد کیا گیا جس کی قیادت تقدس مآب آرچ بشپ بینی ماریو ٹریوس نے کی۔ مقامی کلیسیا نے  بشپ بینی ماریو ٹریوس کا پرجوش انداز میں خیر مقدم کیا اور کیٹی کیزم اسکول کے بچوں نے پھولوں کی پتیاں نچھاور کیں۔وعظ کے دوران بشپ صاحب نے تین نکات مخصوصیت، پاکیزگی اور خدمت  پر روشنی ڈالی۔بعد ازاں انہوں نے اپنے دست مبارک سے پاک ظروف کو برکت دی اور انہیں پاک بدن اور خون کیلئے مخصوص کیا۔
 عبادت کے اختتام پر پورے پیرش کے مومنین نے تقدس مآب آرچ بشپ سے اپنی محبت اور عقیدت کا اظہار کیا۔  ریورنڈ فادر بینجمن شہزاد نے آرچ بشپ اور مومنین کا شکریہ ادا کیا۔